Kalaallit Nunaat H1N1-imut piareersarpoq

Influenza A-mut akiuussutissanik pisinissamut 3 millioni koruuninik Naalakkersuisut Inatsisartut Aningaasaqarneq pillugu Ataatsimiititaliaannut qinnuteqarsimapput. Aningaasaqar- nermulli Ataatsimiititaliaq arlalinnik paaserusutaqarpoq, soorlu atuisut akiligaannik pisinerit aningaasalersorneqarsinnaanersut.

Naalagaaffiit Peqatigiit nunarsuarmi peqqissuseq pillugu pisortaqarfissuata,

WHO-p, Influenza A nappaatitut nunarsuaq tamakkerlugu

atuuttutut nalilerpaa, taamaasilluni isumaqatigiissutit naaper-

torlugit Kalaallit Nunaat pisussaaffeqarpoq akiuussutissanik

37.388-nik pisinissaminut.

Peqqinnissaqarfik akiuussutissat pisiariniarlugit nalunaareer-

poq, kingusinnerpaamimmi ukialernerani Nunatsinnut apuussin-

naaniassammata.

Peqqissutsimut Naalakkersuisoqarfimmi pisortaagaallartoq

Ann Birkekær Kjeldsen Radioaviisimut ima oqarpoq:

- Nunatsinni Nakorsaanerup innersuussutigaa nunap inuisa

62 procentii akiuussutissanik tunineqarnissaat. Tamannalu

piareersimaffiginiarlugu akiuussutissat ukiamut piaareersima-

nissaat qulakkeerparput.

Inuit akiuussutissanik tunineqarsinnaasut tassaassapput tunil-

lanneqarnissaminnut ilimanarnerpaat, Anne Birkekær Kjeldsen oqarpoq, nangipporlu:

- Inuit tunillanneqarsinnaanerminnut allaniit ilimanarnerusut

akiuussutissinneqarnissaminnut ukiaru neqeroorfigineqassapput.

Assersuutigalugu peqqinnissaqarfinni sulisut, timmisartuni sul-

lissisut assigisaannillu suliaqartut.”

Danmarkimi Savalimmiunilu ilisimaneqareersutut tunillatsittoqa-

reerpoq, sulili Islandimi Nunatsinnilu tunillatsissimasunik

naammattuuisoqanngilaq.

Influenza virusinit tunillaanneqartarpoq. Tunillatsinnaveer-

saassagaanni assaat asakulaarneqartariaqarput aammalu allanik

tunillaajumanngikkuit quersussagaangavit tangajortariaqalis-

saguillu qarngit qinngallu assertakkit.

Oqaatigineqarpoq Nunatta nakorsaanerata aalajangissa-

gaa kikkut akiuussutissanik tunineqassanersut, aammalu

inuit tamarmik akiuussutissanik tunineqarsinnaanavian-

ngitsut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat