Kalaallit Nunaat Frankrigimut misiginneqataavoq
Kalaallit Nunaata Frankrigimut misiginneqatiginninnini nalunaarutigaa.
![](/sites/default/files/styles/image_934x467/public/article_images/frankrig_kondolence_foto.jpg?itok=3w3OPBx5)
Allattoq Aaqqissuisoqarfik
Inuussutissarsiornermut, Suliffeqarnermut, Niuernermut Nunanullu Allanut Naalakkersuisup Vittus Qujaukitsup ullumi Frankrigip Danmarkimi aallartitaa naapippaa inuiannut franskinut misiginneqatiginninnini nalunaarutiginiarlugu, sapaatip akunnerani matumani inuit aqqaneq-marluk Parisimi inuartarineqarnerannut atatillugu.
Franskit aallartitaat peqatigalugu Inuussutissarsiornermut, Suliffeqarnermut, Niuernermut Nunanullu Allanut Naalakkersuisup ullumi franskit Københavnimi aallartitaqarfianni misiginneqatiginninnermut allattuifik ammarneqarsimasoq atsiorfigaa.