Kalaallit Nunaat EU-mut
Kalaallit Nunaat EU-mut ilaasortaasariaqarpoq – kalaallit sunniuteqarnissaminnut taava periarfissaqarnerulissagaluarput.
Taama isumaqarpoq EU-mut Danmarkimi Peqatigiiffimmi siulittaasoq, Erik Boel. EU-mut qaninnerusumik suleqateqarnissaq anguniagaraa, aamma EU-p ilisarisimaneqarnerulernissaa Peqatigiiffiup anguniagaraa.
Erik Boel Kalaallit Nunaanni maanna angalavoq, neriulluni EU pillugu nunatsinni oqallinneq aallartissinnaassasoq, aamma Kalaallit Nunaata EU-mut ilaasortanngorsinnaanera immaqa ammaanneqarsinnaassalluni.
- Kalaallit iluanaarutitik danskinut tutsittarpaat. EU-mut ilaasortanngoralunik sakkussaqarluarnerulissagaluarput, Kalaallit Nunaatalu avammut tuniniaasarnera annertusinerussagaluarpoq, Erik Boel isummersorpoq. Aamma isumaqarpunga EU-mut ilaasortanngornikkut Kalaallit Nunaata namminersulerniarnera nukittorsarneqassagaluartoq.
Nunat EU-mut ilaasortat misilittagaat unaavoq, ulluinnarni atugaasa sunniuttarnerat. Kisimiikkutta immikkoorlutalu kikkunnulluunniit sunniuteqarsinnaanngilavut. Uani eqqarsaatigaara nunarsuarmi tamarmi pinerluttuliortarneq peqqarniisaartarnerlu, kianni aamma avatangiisit pillugit ajornartorsiutit annertuut aamma eqqarsaatigaakka, Erik Boel oqarpoq. Silaannaap kissatsikkiartornera kalaallit aamma ulluinnarni malinnaavigisorujussuuvaat.
Kalaallit Nunaat ukiut 20-t matuma siorna EU-mut ilaasortaajunnaarpoq.
EU-mut tunngassutilinnik Kalaallit Nunaanni peqatigiiffimmik pilersitsisoqarsinnaaanersoq Erik Boelip Kalaallit Nunaannut tikeraarnermini misilinniarpaa.
