Kalaallit Nunaat DR2-mi sammineqassaaq

Filmi piviusulersaarut, ’Kalaallit Nunaannit qimarranneq’ nangillugu DR2-mit unnugu nunarput sammineqassaaq. ”Piniartut siunissallu akornanni” Kalaallit Nunaata immikkut marlunngornermi sammineqarnissaani taaguusiunneqarpoq. Taannalu unnugu KNR-TV-kkut aamma aallakaatinneqassaaq.
Allattoq Mads Lynge
januaarip 29-at 2008 07:29

Marlunngornermi immikkut sammisami ilaatigut oqaluttuarineqarput, 70-ikkunni nipilersornikkut mumisitsineq, tassa Sumekkut inuusuttut nujakkaat taallanik nunagisami oqartussaasariaqarnermik imaqartunik erinarsoqataatittalermatigik.

Ullumikkut Namminersornerulluni Oqartussaaneq ukiut 30-ngajaat atuutsereerpoq. Marlunngornermi immikkut sammisami Namminersornerulluni Oqartussaaneq qanoq ingerlanneqarsimanersoq sammineqarpoq. Aallakaatitassiami ilaatigut Folketingimi ilaasortaq Juliane Henningsen, Demokraatit siulittaasuat Per Berthelsen aamma Søren Espersen Dansk Folkepartiimeersoq oqallitsinneqassapput.

Marlunngornermi immikkut sammisaq ’Piniartut siunissallu akornanni’ unnugu nalunaaqutaq 19.55 KNR-TV-ikkut aallartissaaq unnuullu annersaa aallakaatinneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq