Assi: Partiet Klaus riskær Pedersen

Partii nutaaq: Kalaallit Nunaat Danmarkimut ataannassaaq

Kalaallit Nunaat namminiilivittunngussanngilaq. Danmarkimi politikeri, inuussutissarsiutilillu Klaus Riskær Pedersen taama isumaqarpoq.

Taassuma politikkikkut anguniakkani ippassaq saqqummiuppai, partiiata nutaap anguniagai saqqummiullugit. Kalaallit Nunaata Danmarkillu ataqatigiinnerulernissaat piumasaraa, illersornissarlu pillugu USA-mik isumaqatigiissutip isumaqatigiinniutigeqqinneqarnissaa kissaatigalugu.

AAMMA ATUARUK Nunatta Danmarkillu akornanni oqaloqatigiinnerit illersornissamut ministerip pitsaanerunerarai

- Kalaallit Nunaat qaninnerusumik attaveqarfigineqalertariaqarpoq, inuiaallu taama ikitsigisut namminiilivittunngorsinnaanissaat piviusorsiornerunngilaq.

Klaus Riskær Pedersenip partiiata programiani taama ilaatigut allassimavoq. Klaus Riskær Pedersenip partiia siulittaasuanut atsiunneqarnikuuvoq, tassa Klaus Riskær Pedersenimik taaguuteqarluni.

Inuussutissarsiutilik Danmarkimi oqallisaaqisoq, peqquserluttuliorsimasutut arlaleriarluni pineqaatissinneqarnikuuvoq, Folketingimulli qinersinissaq sioqqullugu sassarsinnaanissani pillugu atsiornernik naammattunik katersereerluni.

AAMMA ATUARUK Innuttaasut namminiilivinnissaq pillugu apeqqut avissaaqqaffigigaat

Savalimmiut pillugit partiip Klaus Riskær Pedersenip politikkikkut suliniutissatut anguniagaanni allassimasoqanngilaq.

Partii sinnerlugu Folketingimut sassartut katillutik sisamaasut, Klaus Riskær Pedersenip tusagassiortunik katersuutsitsinermi ilaatigut oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat