Kalaallit Nunaat brintimik pilersuisinnaavoq

Brinti atorlugu ikummatissiaq, iisartagaaraasannguatut isikkulik, Danmarkimi ilisimatuunit ineritikkiartorneqarsimasoq ullumikkut saqqummiunneqarpoq, Kalaallit Nunaallu brinti-mik pilersuilluarsinnaasoq, Johan Lund Olsen oqarpoq.

- Isumaqarpunga nunatsinninngaanniit isigalugu periarfissat pitsavissuusut. Maannakkut aamma suliniutit assigiinngitsut naalakkersuisut ingerlatereerpaat, nukissiutit ataavartut atorlugit maani nunatsinni brintiliorsinnaaneq. Aamma inatsisartut ukiamut ataatsimiilerpata, erngup nukinganik nukissiorfiit suli amerlanerit ukiuni aggersuni pilersinneqarnissaat pilersaarutaavoq. Neriuppunga inatsisartut akuersissutigissagaat, Johan Lund Olsen oqarpoq nangillunilu: - Nukissiutit ataavartut atorlugit brintiliortoqarsinnaavoq, ullumikkullu tamanna ajornanngeerluni, maani nuummi erngup nukinga atorlugu nukissiuteqartoqareermat brintiliortoqarsinnaammat. Brinti atorlugu nukissiuteqalersinnaaneq anguniarlugu Danmark suleqatigineqakutsoorsinnaavoq, aamma DTU-mik suleqateqarneq ingerlareerpoq, Sisimiuni sanaartornermik ilinniarfik, issittumi teknologi pillugu DTU tassani suleqatigivarput, aamma Maniitsumi ATI-mut atatillugu DTU suleqatigalutigu. Nunat avannarliit suleqatigiinnianerata iluanni, brint-teknologi pillugu Naalakkersuisut peqataaffigivarput.

Taama oqarpoq Inuussuutissarsiornermut nunalerinermullu naalakkersuisoq Johan Lund Olsen oqarpoq.

Brinti pillugu inerisaanissamut atatillugu, Kalaallit teknologiimik ilinniagaqarnerunissaat kaammattorneqarnerusariaqartoq, Johna Lund Olsen-ip aamma oqaatigaa.