Kalaallit Nunaat ataatsimeersuarnissami peqataatitaqassaaq

Nunani avannarlerni suleqatigiinnerup nukittorsarnissaa Kalaallit Nunaata nunanut allanut politikkeqarneranut ilaavoq. Tamanna ”Naalakkersuisut nunanut avannarlernut periusaannut nassuiaat” pillugu saqqummiussami erserpoq, tamannalu Inatsisartuni ippassaq oqaluuserineqarpoq.
Allattoq Jaaku Lyberth
oktobarip 23-at 2009 07:25

Assersuutigalugu soorlu Nunani Avannarlerni Siunnersuisoqatigiinni suleqatigiinnerup nukittorsarnissaanut tunngasut ilagaat nunani avannarlerni issittoq pillugu apeqqutini, pitsaasumik oqaloqatigiissinnaaneq. Taamaattoq nunat tamat akornanni suliniaqatigiiffinnut soorlu EU-mut nunat avannarliit sunneeqataasinnaanerat periarfissatut naalakkersuisut aamma isigaat.

Taama ilaatigut nunani avannarlerni suleqatigiinneq pillugu naalakkersuisuisuni ilaasortaq, Palle Christiansen allappoq, taassumalu nunani avannarlerni suleqatigiinnermi kalaallit malunniuteqarnerulernissaat pillugu anguniagaa, kalaallinut nunani avannarlerni ilinniartunut sulisunulluunniit iluaqutaassaaq. Nassuiaat Inatsisartuni tusaatissatut tiguneqarpoq.

Nunani Avannarlerni Siunnersuisoqatigiit tungaanut Stockholmimi oktoberip ulluisa 27-anniit 29-ata ataatsimiissapput, taamaattumik ilaatigut tamanna pissutigalugu sapaatip akunnerani tassani inatsisartut ataatsimiinnertik unitsikkallassavaat.

Olga P. Berthelsen Inuit Ataqatigiinniit kiisalu Bitten Dam-Høegh Siumumiit nunarput sinnerlugu ataatsimeeqataassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq