Kalaallit Nunaat 2006-mut iserluarpoq
Ukiortaaq inunnit nuannattorpassuarnit iserluarfigineqarpoq, aammali politiinut ulapaarfiusimalluni.
Ukiumulli 2006-imut iserluaqaagut.
Politiit unnuaq ulappussimapput, ulapinnerallu ullumikkut aamma taamaaginnarluni. Taamakkaluartoq tigusaasoqarsimanngilaq, aamma qummoroortartut imaaginnavikkaluartut annertuumik ajoqusertoqarsimanngitsoq politiit oqarput.
Nuummi politeeqarfimmi pigaartoq ulloq unnuarlu nalunaarusiat qissimigaarlugit aamma oqarpoq, ukiortaaq eqqissisimaffiusutut aappaatigut oqaatigisinnaanagu.
- Ukiutoqaq ukiortaarlu ulapiffioqaat, aserorterinerit, aqqusinerni eqqissiviilliornerit ornittariaqarsimavagut, angerlarsimaffippaalunnilu eqqissiviilliortunut aamma orniguttariaqarsimalluta, Nuummi politeeqarfimmi pigaartoq Radioaviisimut oqaluttuarpoq.
Ukiutoqqap unnukkuani unnuarlu ulapaarneq ullumikkut aamma ingerlaqqippoq, imminorniarlutik sioorasaarisut arlalissuit politiit aamma ornittariaqartarsimallugit, tassa sineriak tamaat eqqarsaatigalugu.
