Kalaallit Nunaannut tunngasunut ministeriusimasoq nersornaaserneqarpoq
Kalaallit Nunaannut tunngasunut ministeriusimasoq Tom Høyem, Danmarkimi nersornaammut Ridderkorsimut Nunatsinnilu Nersornaammut sanilliunneqarsinnaasumik Tysklandimi nersornaaserneqarsimavoq.
Allattoq Mads Lynge
Kalaallit Nunaannut tunngasunut Poul Schlüterip 1980-ikkunni 90-ikkullu aallartilaarnerani ministeriunerunerata nalaani ministeriunerup saniatigut, Tom Høyem, ilitsoqqussaralugit oqaatsit pillugit selskabip 1979-imi aallartisarneqarneranut peqataavoq.
Tom Høyem Tysklandimut ukiut qulit matuma siornatigut nuuppoq, Münchenimi Europaskolenimi, Karlsruhemilu Europaskolenimi rektoritut sulilerpoq, tassanilu suli atorfeqarluni.
Kalaallit Nunaannit tunngasunut ministeriusimasoq Tysklandimi nunap immikkoortuisa ilaanni liberalit partiiat FDP tunuliaqutaralugit politikeriuvoq.