"Kalaallit Nunaannit qimarranneq" danskinik isiginnaartorpassuaqarpoq, nalilerneqarluaqalunilu
DR-ip aallakaatitaa ”Kalaallit Nunaannit qimarranneq” aallakaatinneqarmat danskit 618.000 isiginnaarsimavaat, aallakaatitatullu pitsaanerpaat ilaattut nalilerlugu. Aviisimi Danmarkimi ullormut saqqummersartumi, Ekstra Bladet-mi, taama allaaserinnittoqarpoq.
novembarip 06-at 2007 15:19
DR-ip sapaatikkut unnukkut aallakaatittagaa nangeqattaartoq ”Pinerlunneq” – ”Forbrydelsen” isiginnaarneqarnerpaavoq, tassa 1,7 millioninit malinnaavigineqarami.
”Kalaallit Nunaannit qimarranneq” nr. 16-itut tassa inissippoq, 618.000-init isiginnaarneqarsimalluni.
Isumasiuinerit TNS Gallupip TV-Meterianit ingerlanneqarsimapput.
Aallakaatitap pitsaassusaanik isiginnaartut naliliineranni skala 1 ajornerpaavoq, skala 5 pitsaanerpaalluni.
”Kalaallit Nunaannit qimarranneq”-up danskinit nalilernerneqarnera skala 4,2-miippoq.
