Kalaallit Nunaannit nutaarsiassat franskisut saqqummiunneqartalerput

Franskeq ilinniartoq Danmarkimi najugalik, Kalaallit Nunaannullu soqutiginnilluartoq, qarasaasiatigut nittartakkamik nuisittagaqalersimavoq, franskit oqaasiinik allannilersorlugit.
oktobarip 23-at 2007 05:36

Franskit oqaasiinik atuisut, soorlu canadamiut, belgiamiut, schweizimiut soorunalumi franskit, qallunaatut kalaallisullu paasisinnaanngitsut Kalaallit Nunaanni pisunik taamaalillutik malinnaasinnaanngorput, nittartakkamik pilersitsisoq, Damien Degeorges, nittartakkamut greenland dot comimut oqarpoq.

Damien Degeorges Parisimi danskisut ilinniarsimavoq, maannakkullu kalaallisut aamma ilinnialersimavoq, oqalulaarsinnaanngoreersimallunilu.