Ikiortissarsiorneq: Kalaallit Nunaannik eqqumiitsuliortoq kinaana?
Kinaana Kalaallit Nunaata ilusaanik assilissatut katitikkamikiigarsuarnut qarmakkanullu nivingaassuisoq? Puuallappit? Nassuiaataa aana:
Katiterlugu assilialiaq kalaallit illuutaata isaariaata eqqaanut ukioq 2015-imi nivingarneqarsimasoq paasineqarsimasoq, Københavnimi Kalaallit Illuutaat Facebookimi quppernermini allappoq.
Angutip inuusuttup katiterlugu assilialiaq takusimallugu kalaallit illuutaannukarpoq. Kalaallit Nunaatalu ilusaanik katitikkatut assilialiat sisamat danskit illoqarfiisa pingaarnersaanni takusimallugit oqaluttuaraa.
Suli tupinnarnertaqarpoq. Sullivimmi sammisassaqartitsviullunilu suliassaqartitsiviusumi Qiperumi pisortap, Ann Dorthe Lundep katiterlugit assilialiat paasisat ilanngussiffigai, tassuma eqqumiitsuliaq Vanløsemi iigarsuarmi portusoorujussuarmut nivingarneqarsimasoq takusimavaa. Tamannalu apeqqummik pilersitsivoq: Aammaana qanoq ilillugu nivingarneqarsimasoq?
Kalaallit Illuutaat Facebookimi quppernermini katiterlugit assilialianik tupinnartunik amerlanerusunik ujartuivoq. Tamannalu ingerlaarlualereerpoq, uani ataani takusinnaavatit. Kalaallit Illuutaata katiterlugit assilianit qulit maannamut ilisimalereerpai, eqqumiitsuliortorli kinaava?
