Kalaallit Nunaanniit qimaaneq filmiliarineqarpoq
Filmimi piviusulersaarummi nutaami taaguuserneqarsimasumi ”Kalaallit Nunaannit qimaaneq”, Namminersornerullutik Oqartussat Koreamut Avannarlermut Cubamullu assersuunneqarput.
Allattoq Oline I. Olsen
oktobarip 12-at 2007 13:55
Filmimi kalaallit inuusuttut nunaminnik qimatsisimasut, ilaatigut oqaatsit makku atorlugit nunartik oqaatigaat: pissaanermik atornerluiffiusoq, aningaasanik peqquserlulluni iluanaarniarfiusoq aamma ilaquttanik salliutitsiffittut taaneqarpoq.
Apersorneqartut ilagaat Air Greenlandip pisortaa, Michael Binzer, taassuma ilaquttanik salliutitsinerujussuaq eqqartorpaa.
- Kalaallit Nunaanni quiasaarutigineqartuarpoq pisortat ingerlatseqatigiiffiini atorfinitsinneqartartut piffissami toqqarneqarfigisaminni naalakkersuisuusunut politikkikkut atuumassuteqarajuttuunerat, Michael Binzer filmimi oqarpoq.
Filmi ”Kalaallit Nunaannit qimaaneq” DR1-imi KNR-TV-milu pingasunngornermi oktobarip ulluisa 24-anni aallakaatinneqassaaq.
