Kalaallit Nunaanni uuliasiornissamut nutaamik soqutiginnittoqalerpoq

Taamaalilluni Blok 9, imaluunniit akuersissut Tooq-mik taaneqartartoq, Maerskip, NunaOilip Tullowillu agguataarpaat. Blokimi tassani 47,5 procenti Maerskip maannamiit pigilerpaa.

- Tullowimik isumaqatigiissuteqarnerput nuannaarutigaarput, ilisimasanik nalorninarsinnaasunillu killeqarfimmi tassani uuliasiornitsinni taamaalilluta avitseqatigiissinnaanngorpugut, Maerskimi Kalaallit Nunaanni pisortaq, Carsten Sønderskov, oqarpoq, ilutigalugulu neriorsuutigaa, sillimaniarneq ajoquteqanngitsoq qulakkeerunikku aatsaat qillerilerumaarlutik.

Carsten Sønderskovip oqarnera naapertorlugu Baffindip Kangerliumarngani 3D atorlugu sajuppillatsitsillutik uuttortaaqqammerput, tamannalu nalilersorneqareerpat misileraallutik qillerilissanerlutik aatsaat aalajangissavaat.

Tullow Oil Afrikami taamaallaat manna tikillugu uuliasiortaraluarpoq.