Kalaallit Nunaanni ujaqqeritooqatigiit
Kalaallit Nunaanni ujaqqeritooqatigiit sapaatip akunnerata naanerani nuup katersortarfiani arfineq pingajussaanik naapeqatigiinnerminni, iluatsilluartumik aaqqissuussisimapput. Inuit 1000-it missaanniittut ujaqqanik takusaasimapput, tamannalu rekordiliinerusoq aaqqissueqataasup Bjarne Ljungdahl-ip oqaatigaa. Ujaqqerituut aningaasarsiorluarsimasut aamma oqaatigineqarpoq.
Ujaqqerituut saqqummiineranni peqataasut illoqarfinni makkunaneersuusimapput; Narsaq, Arsuk, Nuuk Maniitsoq aamma Sisimiut.
Ujaqqanik pinnersaasiat eqqumiitsuliallu tunisaalluarnerisa saniatigut frimærkit assigalugit ujaqqanik assigiinngitsunik katersisartut pisinialaavissorsimapput.
Nuna minerals aammalu Aatsitassaqarnermut Pisortaqarfik paasisassarsiorfigineqarsinnaasunik nerriveqarsimapput, inuillu namminneq ujaqqat nassaatik aggerlutik nalilersortikkiartortarsimavaat.
Nunatsinni ujaqqeritooqatigiit tullissaanik Ivittuuni naapissapput, tassanilu ujaqqanik pinnersaasiassanik malm-nillu katerseqatigiinniartut Bjarne Ljungdahlip oqaatigaa.
