Timersornikkut aaqqissuussat tamaasa, timersoqatigiinnilu tamani aaqqissuussat tamaasa marsip ulluisa 31-ata tungaanut taamaatiinnarallarneqarnissaat, Kalaallit Nunaanni Timersoqatigiit Kattuffiata kaammattuutigaa. Toqqorsivimmit assi.Assi: KAK

Kalaallit Nunaanni Timersoqatigiit Kattuffiata timersornikkut aaqqissuussat tamaasa atorunnaarallarteqqugai

Timersornikkut aaqqissuussat tamaasa taamaatinneqartariaqarput kinguartinneqartariaqarlutilluunniit. Kalaallit Nunaanni Timersoqatigiit Kattuffiat sakkortuumik taama kaammattuuteqarpoq.

Silami illullu iluani timersornikkut aaqqissuussat tamaasa atorunnaarallartinneqarnissaat, Kalaallit Nunaanni Timersoqatigiit Kattuffiata tusagassiutinut nalunaarummi innersuussutigaa.

Timersornikkut aaqqissuussat tamaasa, timersoqatigiinnilu tamani aaqqissuussat tamaasa marsip ulluisa 31-ata tungaanut taamaatiinnarallarneqarnissaat, Kalaallit Nunaanni Timersoqatigiit Kattuffiata kaammattuutigaa.

AAMMA ATUARUK Frygt for corona: Hundeslædevæddeløb for børn er aflyst

- Timersornermi aaqqissuussat inuppassuarnik; timersortartunik isiginnaartunillu ataatsimoortitsilluni katersuuffiusarput. Taamatullu ataatsimoortitsineq coronavirusimik tunillatsinnissamut tunillaassuinissamullu kinguneqarnissaa qanittuararsuanngorsinnaavoq, Kalaallit Nunaanni Timersoqatigiit Kattuffianni siulittaasoq Nuka Kleemann oqarpoq.

Futsalimik, qimussimik, sisoraatinillu unammiuaarnissat eqaarsaarnissallu taamaatinneqartut

Nunani allani timersoqatigiit kattuffiisa pissartanngorniunnissat sungiusarnerillu oqartussat innersuussutaat malillugit aamma taamaatiinnareerpaat.

Kalaallit Arsaattartut Kattuffiata, KAK-p, futsalimik marsimi, apriilimi maajimilu unammiuaarnissat aamma taamaatiinnarpai. Tassa nukappiaqqat inuusuttut U15-it, nukappiaqqat U18-it pissartanngorniunnissaat, arnat angutillu pissartanngorniunnissaat kiisalu angutit utoqqasaat pissartanngorniunnissaat taamaatiinnarneqarput.

AAMMA ATUARUK Nye anbefalinger: Undgå at rejse ind og ud af Grønland

Niviarsiaqqat U18-it pissartanngorniunniussaat, ullumi tallimanngornermi aallartittussaq, isiginnaartoqaratik pissartanngorniutissapput.

Avannaata Qimussersuaaraa, Uummannami qaammatip naalernerani pisussatut aaqqissuunneqaraluartoq, aamma taamaatiinnarneqarpoq. Arctic Sportsimi pissartanngorniunnissaq, Arctic Circle Race aamma taamaatiinnarneqarput, soorlu aamma Nuummi eqaarsaarnerit taamaatiinnarneqartut.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat