Christian Keldsen, Kalaallit Nunaanni Sulisitsisuni novembarip aallaqqaataani atorfinissaaq. PressefotoAssi: Pressefoto: Christian Kjeldsen

Kalaallit Nunaanni Sulisitsisut pisortartaassaaq

Kalaallit Nunaanni Sulisitsisut Christian Keldsen pisortassatut toqqarpaat, novembarillu aallaqqaataani sulilissalluni.

Kalaallit Nunaanni Sulisitsisut nutaamik pisortartaassapput, pisortanngortussarlu tassaavoq 44-nik ukiulik Christian Keldsen, Air Greenlandimi tuniniaanermi siornatigut pisortaasimasoq.

Taassuma maanna pisortaq Brian Buus Pedersen pisortatut taarsissavaa, pisortatullu ukioq manna novembarip aallaqqaataani atorfinissalluni.

Christian Keldsen Nuummi meeraanerminiit najugaqarpoq, nunatsinnilu assigiinngitsorpassuarnik misilittagaqarluni.

Inuussutissarsiornerup timersornerullu silarsuaani misilittagaqarpoq, assersuutigalugu Arctic Winter Gamesimi 2016-imi siulittaasuulluni, Amerikallu nunavittaani assammik arsarluni 2018-imi pissartanngorniunnermi aamma siulittaasuulluni.

Air Greenlandimi sulinermini assigiinngitsunik atorfeqarpoq, tuniniaanermi pisortatut 2011-mit 2015-ip tungaanut atorfeqarluni.

Christian Keldsen siunnersuinermi ingerlatsivimmik Visiobox Consulting ApS-imik ukiut tallimat matuma siornatigut aallartitseqataavoq, tassanilu maannamut sulilluni.

Inatsisilerituutut ilinniarsimasuuvoq, London Management College/Reading Universitymit aamma MBA-qarluni.

Nuliaqarpoq, marlunnillu meeraqarlutik

 

 

 

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat