Nutaamik ilisimalikkat: Kalaallit Nunaanni sermersuup ikkerfii aatsaat taama aakkiartortigaat
![](/sites/default/files/styles/image_934x467/public/article_images/gletsjer_kaelver_eqi_13.jpg?itok=FD8ObaZX)
Nunatsinni sermersuup ikkerfii ukiuni makkunani siusinnerusukkut uuttuinernut sanilliullugit ingasattumik aakkiartupallapput.
Tamanna danskit ilisimasassarsiortuisa sermersuup ikikkerfiinik 350-inik misissuinerisa uppernarsaasiornerisalu nutaat takussuserpaat.
Siusinnerusukkut sermersuup ikkerfii 77 misissorneqarernikuupput.
- Ukiuni ukununani maannakkut atukkatsinni sermeq ingasattumik aappoq, sermersuullu ikkerfii sukkasuumik tunuariartorlutik, postdoc Anders Anker Bjørk, Statens Naturhistoriske Museum oqarpoq.
- Tunumi Kitaanilu sermersuup ikkerfii qanoq annertutigisumik aakkiartortiginersuut manna tikillugu ilisimaneqanngilaq. Maannakkut tigussaasunik uppernarsivarput, maanna ingasattumik aakkiartorneri angusimagipput.
Nunatsinnik timmisartunit assit 1930-ikkornisat misissornerisigut ilisimassarsiortut taamatut paasisaqarput.
Qaammataasianit assilisanut assitoqqat taakku sanilliunneqarput.
Anders Anker Bjørk malillugu, nunarsuatsinni imarpissuit qanoq qaffasitsiginerinut sermersuup aakkiartornerata qanoq sunniuteqarsinnaaneranik ilisimalikkat pitsaanerusumik siulittuisinnaanermut iluaqutaassapput.
- Siunissami sunik pisoqarsinnaaneranik pitsaanerusumik siulittuisinnaaneq kaammattuisuuvoq. Tamassumunnga najoqqutassat sapinngisamik piviusorpalaartut pisariaqartippagut.
- Najoqqutassat uku ukiuni untritilinni kingullerni sunik pisoqarsimaneranik oqaluttuartissavagut. Manna tikillugu ukiuni kingullerni 30-ni paasissutissat ikkussorpavut. Suli siusinnerujussuakkut suut pisimanersut maanna ilisimalerparput.
- Tamanna ima isumaqarpoq najoqqutassagut eqqornerujussuusut, Anders Anker Bjørk oqarpoq.
Danskit, norskit amerikamiullu timmisartorlutik assilisaat ilisimassarsiortut atorpaat.
Misissuinermi sermit mikinerusut sermersuarmut toqqaannartumik atanngitsut misissuinermi nakkunneqarput.
Taakku silap pissusiata allanngoriartorneranut piaarnerusumik toqqaannarnerusumillu qisuariartarput.
Sermersuup piaartumik aakkiartorneranut nunarsuup kiatsikkiartornerata pissutaaneranik nalinginnaasumik isumaqarneq ilisimassarsiortoq malillugu ilisimasaqalernerup allanngortinnavianngilaa.
- Silap pissusiata allannguutai maanna takusinnaasagut pissutigalugit sermip aakkiartuinnarnissaa qularutiginngilluinnarparput. Tunumi Kitaaninngarnit arriinnerulaartumik tamanna pisinnaavoq.
- Paasisatta qulakkiiginnarpaat, naalakkersuinikkut iliuuseqarnissaq pisariaqartinneqartoq. Piaarnerusumik pippat iluarnerpaajussaaq, Anders Anker Bjørk oqarpoq.
/ritzau/