Kalaallit Nunaanni pisigit !

Taamatut kaammattuteqartoq tassaavoq Nuummi sulisisitsisut peqatigiiffianni siulittaasoq Claus Jordening aviisip sermitsiap inuussutissarsiutit pillugit quppernerni allaaserisani pingaarnersatut allataani.

Ilinniarfeqarfiit pisortaqarfiit suliffeqarfiillu arlalippasuit kiffartuussinermut atortussanik Danmarkimi pisisarput. Ilaatigut allaffinni atortunik siunnersortinnernik pisattanillu pisinermi, tamakkua Danmarkimi pisiarineqartarput, akikinnersiusoqarluni. Inuiaqatigiilli eqqarsaatigalugit Claus Jordening kaammattuivoq kalaallit nunaanni pisariaqartinneqartut kalaallit nunaanni pisiarineqartarnissaannik, taamaalillutik aningaasat nunatsinniiginnassammata, tamatumalu kingunerisaanik Kalaallit Nunaanni suliffissat amerlanerusut akileraarutitigullu isertitat amerlanerussammata, Claus Jordening aviisimi sermitsiami allappoq.

Kalaallit Nunaanni nioqqutissanik pisinissamik kaammatuinermik politikkikkut aalajangiisoqarnikuunngillaq, tamatumalu kingunerisaanik suliffeqarfinnik immikkut akilersinnaasunik aallartisaanissamut periarfissat annikillisinneqarput Claus Jordening allappoq.

Kommuunit kattunnerisa kingorna politikerit qinigaarlaat kaammattorneqarput, kalaallit nunaanni nioqqutissanik pisinissamut kaammattueqataaqqullugit.