Kalaallit Nunaanni najugaqalernissamut piareersimaneq

Nunanit allanit nunasiartortut, pingaartumik Nuummi suliffeqarfimmi imaluunniit pisortat sullissiviini atorfinissimallutik Kalaallit Nunaanni oqaatsinik kulturimillu ilisimasaqanngivillutik tikittarput.
Allattoq Simon Uldum
juunip 06-at 2013 11:34

Tamanna aaqqinneqartariaqarpoq, taartaasartunik siunnersuinermillu suliffeqarfimmi pilersinneqaqqammersumi piginneqataasoq, Jeanette Holding, taama isumaqarpoq.

4 Dynamic Relations Kulturip oqaluttuarisaanerullu paasisaqarfigineqarnerunissaat, minnerunngitsumillu kalaallit oqaasiisa allamiut kalaallillu akornanni attaviliinissamut periaatsit pitsaanersaanerannik ilisarititsinermut suleqataarusuppoq, suliffeqarfittaamit tusagassiorfinnut taama nalunaaruteqartoqarpoq.

- Oqaluttuarisaaneq, kulturi oqaatsillu pillugit ilisarititsinertalimmik pikkorissaanissamik neqerooruteqarnitsigut, innuttaasunngortut paasinninnikkut inuiaqatigiit kulturillu misigisaqarfiginissaannut periarfissagissaarnerulernissaat neriuutigaarput, Jeanette Holding oqarpoq.

4 Dynamic Relations Jeanette Holdingimit Inaluk Brandtimillu pilersinneqarpoq. Pikkorissaanermik neqerooruteqarnerup saniatigut suliffeqarfik aamma siunnersortaanermik, taartaasussanik atorfinitsitsisarnermik kiisalu outplacementimik neqerooruteqartoq, tusagassiorfinnut nalunaarummi allassimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq