Kalaallit Nunaanni Ileqqussat pillugit siunnersuisoqatigiit pilersinniarneqalersut

Kalaallit Nunaanni Ileqqussat pillugit siunnersuisoqatigiit pilersinniarnissaannut suleqatigiissitanik pilersitsisoqaqqammerpoq. Siunnersuisoqatigiit ilaatigut toqorusuttunut ikiuinermut, piartortunut angerlarsimaffinnut meeqqat angerlarsimaffiup avataanut inissinneqartunut apeqqutinut tunngatillugu inuiaqatigiinni atorluarneqarsinnaavoq.
oktobarip 14-at 2013 09:06

Nunarput ineriartorfiulluartoq, aamma kulturimut inuiaqatigiinnullu tunngatillugu, pisut sukkavallaamik ingerlaleraangata pisariaqartitsisunut siunnersuisinnaasunik pisariaqartitsivoq.

-Eqqarsaataavoq Ileqqussaq Pillugu Siunnersuisoqatigiit inuiaqatigiit akornanni eqqartorneqartut isummerfigalugillu oqalliseqataaffigissagai, inatsisinulli aningaasanulluunniit tunngassuteqanngitsut,  Inuuti Fleischer, Peqqissaasut Kattuffianni siulittaasoq suleqatigiimmillu aallarneeqataasoq oqarpoq.

Suleqatigiit tallimanngormat Inatsisartut Ilaqutariinermut Peqqissutsimullu ataatsimiititaq suliaminnik saqqummiiffigivaat. Suleqatigiinni Inuuti Fleischer-ip saniatigut peqataapput Rikke Bruun de Neergaard, Pauline Olesen kiisalu Aaja Chemnitz Larsen.

Ilaqutariinnermut Peqqissutsimullu Ataatsimiititaliap saqqummiussaq isumassarsiamut suliamillu aallartitsineq pitsaasutut tigulluarpaat, suleqatigiissitallu isumassaarsiaq maanna Nunatsinni politikkikkut suliaqartunut allanut aamma saqqummiuttussanngorpaat