Kalaallit Nunaanni efterskolissaq piariilerpoq
Kalaallit Nunaata oqaluttuarisaanerani nutaajunerusumi efterskole siulleq, Sulisartut Højskolianni Qaqortumi 2008 –mi aallartissaaq.
Ukiumi ataasiugallartumi efterskolep ingerlanneqartussap piareersarnera naammassilluinnalerpoq. Else Jensen, Kujataata radioani suleqaterput ima aallartippoq:
…
Speak:
Meeqqat atuarfianni ukioqatigiikkuutaat marluk ataatsikkut aappaagu atuarunnaarnissaat piareersimaffiginiarlugu piareersaatit ingerlanneqaleruttorput. Qulakkeerneqartut ilagaat Sulisartut Højskolianni efterskole-mik ukiumi ataatsimi ingerlatsinissaq. Sulisartut Højskoleata pisortaa Kaj Lyberth oqarpoq aallaqqaammut 40-nik efterskolertitsilersinnaaneq takorloorneqarsimasoq oqaloqatigiinnerilli ingerlanerini 80-t angullugit atuartitsisinnaaneq siunertarineqalersimasoq taakkulu aallaavigalugit oqaloqatigiinnerit pilersaarusiornerillu ingerlanneqartut.
Sulisartut Højskolianni pisortaq, Kaj Lyberth taama oqarpoq. Kaj Lyberthip ilanngullugu oqaatigaa, misilittagariligassatik Sulisartut Højskoliata siunissami efterskolinngornissaanik kissaateqarnerminnut iluaqutaalluarumaartut.
Kalaallit Nunaanni 60-ikkunni efterskolertoqarsinnaanikuuvoq.
Kultureqarnermut, Ilisimatusarnermut, Ilageeqarnermut, Ilisimatusarnermullu Pisortaqarfimmi pisortap, Lise Lennert Olsenip naatsorsuutigaa, septemberip ingerlanerani suliamut tunngassuteqartut tamarmik inissinneqarsimassasut.
