Kalaallit Nunaanni aviisit KNR-imit isornartorsiuinerusarput
- Tusagassiorfiit tusagassiortullu inigisat pillugit saqqummiussisimanerat misissuataarsimavara. Aviisini allaaserisani oqaatsit atukkat pikkunarsaarluagaapput. Oqaatsit ilaatigut atorneqartut tassaapput ”merianngunartoq” aamma ”ullukkut qaamasumi ujajaaneq”, tamakkulu qulequttat Qanoruumi sallaannerungaartarput. Inuttaasunik kiffartuussinertut immaqa taaneqarsinnaavoq, immaqalu aningaasartaqarsinnaalluni. Aviisit allaaserisatik tuniniartussaavaat, KNR-ili qulequtsiisarnermigut aningaasatigut pituttorsimavallaanngilaq, Karina Fleischer oqarpoq.
Sammineqartoq alla tassaavoq kinaassutsimik isertuussisarneq, Kalaallit Nunaannilu tusagassiorfinni tamanna atorneqartorujussuuvoq. Tamanna inuinnaat naalakkersuisooqataanerannut ajornartorsiutaasinnaavoq, Karina Fleischer oqarpoq.
- Kinaassutsimik isertuussisariaqartarneq kalaallinut tusagassiortunut unammillernarpoq, tusagassiorfinnimi allani kinaassutsimik isertuussineq atorneqarpianngilaq. Amerlasuut kinaassutsiminnik isertuussillutik isummaminnik saqqummiussisarnerat politikerit demokratiskiuallaanngitsumik ilaatigut pissaanermik atuisarnerannut ersiutaasoq isumaqarpunga
Siusinnerusukkummi takusareerparput, inuit pisortani atorfillit soraarsitaanissaminnik sioorasaarneqartut, Karina Fleischer oqarpoq.
Karina Fleischer immikkut sammisani pillugu suliamini 12-imik karakteerilerneqarpoq.