Kalaallit Nunaanni arfattassat unnuaru aalajangiivigineqassapput
Arfanniarneq pillugu ataatsimiititaliarsuaq, IWC, Alaskami Anchorage-imi ulluni makkunani ataatsimiippoq, ullumikkullu ulloq Kalaallit Nunaannut pingaaruteqaqaaq. Kalaallit Nunaatami kissaatini ataatsimiititaliarsuarmut saqqummiuppai, saqqummiussineranilu nipaangaarmat meqqut natermut nakkaraluarpat immaqa tusaaneqarsinnaagaluartoq, ataatsimeersuarnermi malinnaatitarput, Else Løvstrøm, oqarasuaatikkut ungasinngitsunnguakkut nalunaarpoq.
- Kalaallit Nunaat malinnaaffigineqartorujussuuvoq, tikaagulliit tikaagulliusaallu ullumikkut pisarineqarsinnaasut pinngitsoornatik pissarsiarissavaat, kisiannili pissanganarpoq tikaagulliit amerlanerusut pissarsiumasavut pissarsiarisinnaanerigivut, kiisalu qipoqqaat arfiviillu qassit aamma pissarsiarineqassanersut.
Kalaallit Nunaannut apeqqarissaarneq maanna aallartereerpoq, taannalu naammassippat, nunatsinni nalunaaqutaq malillugu unnulluarnerani, aatsaat aalajangiisoqarsinnaassaaq arferit sorliit qassillu Kalaallit Nunaanni pisarineqarsinnaassanersut.
