Kalaallit Nunaanni annaassiniarnermut sungiusarneq annertooq
Issittumi naalagaaffiit tamarmik sungiusarnermi peqataatillugit ilaatigut takornariat umiarsuaat akeqqersortut sumiiffianiilluni ajornartorsiulersumi ilaasut annaanniarneqarnissaat sungiusarneqassaaq, Issittumilu nunat amerlanerni sakkutuujunngitsut sakkutuullu angallataat timmisartuutaallu peqataatillugit.
Sungiusarneq Tunup avataani ingerlanneqartoq, Issittumi nunat isumannaallisaaneq pillugu isumaqatigiissutaat SAR naapertorlugu sungiusartoqarpoq.
Sungiusarneq iluatsillugu Kalaallit Nunaanni politiit sulisumik ajunaartoqartillugu sullisisussat piginnaanngorsarnissaat isumagaat. Taamaammat qaammatini kingullerni piginnaanngorsarluni ilinniartitaanerit amerlasuut ingerlanneqarsimapput.
Suleqataasut ajutoortoqarsimatillugu aqutsisinnaanerat ajunaarnersuartoqarsimatillugulu nalunaarsuisinnaaneq piviusorpalaartumik sunigusarnerminni ilinniassavaat.
Kalaallit Nunaanni politiini sulisorpassuit sunigusarnermi peqataassapput. Sulisut ilaat ajutoorsimaffimmi inissinneqassapput ilaat Nuummi suliffimminnut atatillugu peqataatinneqassallutik. Kalaallit Nunaanni politiitut ilinniarfimmi ilinniarut ilaat k20-t missaanniittut ajutoorsimasuusaartinneqassapput, qullersaallu sungiusarnermi pisortaatinneqassallutik.
- Sungiusarnerup nalaani Kalaallit Nunaanni politiit ulluinnarni isumagisassaat sunnerneqassanngillat, innuttaasullu sullinneqarnerisa sunnerneqarnissaat ilimagineqarani. Susassaqartut allat peqatigalugit piviusorpalaartumik sungiusarnitsinni piginnaasatta misilittarnissaat qilanaareqaarput, Claus Risbjerg, Kallallit Nunaanni politeeqarfiup allaffissornikkut pisortaa oqarpoq, nangillunilu: ”taamatut sungiusarnitsinni misilittakkagut aallaavigalugit suliassagut taamaattut pitsaanerusumik suliarisinnaalissavagut”.
