Kalaallit Danmarkimut nuullutik tikerlaat isiginiarneqarnerulerput. Socialministeeriap siunnersuisartut Socialt Udviklingscenter, naalisarlugu SUS-mik taaneqartartup, Københavnimi angerlarsimaffillit 1 millioni koruuninik tapiissuteqarfigeqqammerpai. Aningaasat kalaallit Danmarkimut nooqqammertut ajornartorsiutaannik ikiorsiisussaaniartussaapput.
- Qassit ajornartorsiortuunersut ilisimanngilarput, nalunngilarpulli kalaallit amerlanngikkaluartut tikerlaatut ajornartorsiortartut. Oqartussaniit ikiorserneqarnissaminnut ilisimasaat killeqartarput, Kristian Wedel Andersen, SUS-imi siunnersorti radio aviisimut taama oqarpoq.
Kalaallit Illuutaata, Kofoeds Skole suleqatigalugu ajornartorsiutip annertussusaa paasiniarpaat.
– Paasiniaalluta apersuillutalu martsip ingerlanerani aallartissaagut. Suliaq ukiut marluk ingerlatissallugu naatsorsuutigaarput, Kristian Wedel Andersen oqarpoq.
Kalaallit Danmarkimut noorlaat nalunaarsorneqartalernissaat ingerlanneqalissaaq. – Tarnikkut ajornartorsiutit, inissaqannginneq imaluuniit qallunaatut oqalussinnaannginneq kalaallip Danmarkimut noorlaap nalinginnaasumik inuuneqalernissaanut aporfiusinnaasartut, Kristian Wedel Andersenip aamma oqaatigaa.