Kulturi

Kalaallit nipilersortartut Danmarkimi tusarnaartitsisaqattaalersut

Danmarkimi maajimi tusarnaartitsisoqaqattaalerpat qulequtaasussaq tassaavoq "Spot On Greenland", nipilersoqatigiit nunatsinneersut assigiinngitsut tusarnaartitsisaqattaassallutik.

Allattoq Karsten Sommer

maajip 02-at 2018 05:31

Nutserisoq Mads Lynge

Small Time Giants, Nina Kreutzmann Jørgensen, Da Bartali Crew, Ulf Fleischer kiisalu Nick Ørbæk appisimaartussapput.

Kalaallit nipilersortartut tusarnaartitsisaqattaarnertik Odensemi maajip ulluisa qulingiluaani aallartissavaat.

Odensemi maajip qulingani taava tusarnaartitsisoqassaaq, taamaalereerpat Aalborgimi maajip ulluisa aqqarnanni tusarnaartitsisoqassaaq, "Spot On Greenland"-imillu taallugit tusarnaartitsisaqattaarnerit naggaserlugit Københavnimi Illu Atlantikumi maajip ulluisa aqqaneq-aappaanni tusarnaartitsisoqassalluni.

Nipilersortartoq ilimaneqarluartoq alla Angu Motzfeldt, Illu Atlantikumi maajip ulluisa 17-ianni aamma tusarnaartitsissaaq.

Nipilersortartut nunatsinneersut nunani tamalaani ukiuni makkunani nuannarineqaleraluttuinnarput, nipilersornermillu nuannarisallit kalaallinik nipilersortartunik maanna tusarnaariarsinnaalissapput.

"Spot On Greenland"-imik taallugu Danmarkimi tusarnaartitsisaqattaarnerit Nukigamit aaqqissorneqarput, Aarhusimi Spot Festivalen, Odensemi Nordatlantisk Hus, Studenterhuset i Aalborg kiisalu Københavnimi Illu Atlantiku suleqatigineqartut.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.