Kalaallit nersornaaserneqanngillat
Nunani avannarlerni filmiliat atukkiat nipilersukkat avatangiisit pinngortitarlu pillugit immikkut suliaqartut nersornaaserneqarput.
Mâgssánguaq Qujaukitsup taalliaminik atuakkiaa 'Sisamanik teqeqqulik', nersornaaserneqartussatut innersuuneqaraluarpoq.
Atuakkianik nersornaasiinermi Per Petterson Norgemioq nersornaaserneqarpoq. Per Pettersonip atukkiai Norgemi nuannarineqarnerpaanut ilaapput. Atukkiaa 'Jeg forbanner tidens elv' pillugu nersornaaserneqarpoq.
Nipilersortartut nersornaaserneqarneranni qarlortartartoq Finlandimioq Kari Kriikku nersornaaserneqarpoq. Filmiliortartut nersornaaserneqarneranni qallunaaq filminik ilitsersuisartoq Lars Von Trier nersornaaserneqarpoq, filmliaa 'Antichrist' pillugu nersornaaserneqarluni.
Avatangiisit pinngortitarlu pillugit nersornaaserneqartut tassaapput svenskit meeqqanut silami susassaqartitsinermik suliaqartut Friluftsträmjandet. Nersornaaserneqartut tamarmik 350.000 koruuninik tunineqarput.
