Kalaallit nerrivimmi arsaartartut marluk danskit Top 12-iinut anngunniuteqataassapput
Kalaallit pikkorissorsuit marluk Top 12-imut, Skagenimi ukioq manna kingusinnerusukkut ingerlanneqartussamut danskit pikkorinnerpaat tallimat anngunniuteqatigissavaat. Top 12-imik unamminerni ukioqatigiikkuutaanit ataasiakkaaneersut aqqaneq marluk unammisarput, taamaammat Nukannguup Maaliaannallu pikkorinnerpaat akornannut inissinniarsarisussaassapput.
-Niviarsiaqqap ikinnerpaamik ataatsip Top 12-imut anngunnissaanut periarfissaqarluarsoraara. Taamatut pisoqassagaluarpat nuannissaqaaq. Niviarsiaqqat Tjele Efterskolemi sungiusarnertik aallulluarsimavaat, aamma malinnaaffiginissaat qilanaarisupilussuuara. Kalaallit nerrivimmi arsaarartartut siornatigut marloriarlutik Top 12-imut peqataasimapput. Ivik Nielsen Arnannguaq Lyberthilu peqataanikuupput, inersimasut nunanut unammisartut sungiusaasuat, juniorinillu anngunniuttussanik malinnaasoq, Tommy Jørgensen oqaluttuarpoq.