Kalaallit nerisassaativut avammut nittaarsaanerusariaqarput

Kalaallit nerisassaatitta nunatsinni avammullu nittarsaanneqartarnerat tuniniarneqartarnerallu pitsanngorsarneqartariaqarpoq.

Taamaammat kikkulluunniit kalaallit nerisassaatitsinnik saqqummiussuinissaminnut pilerisuttut soqutiginnittullu Narsami sapaatip akunnerata tulliani paasiniaaqatigiillutik katersuunniarput.

Anguniarneqartoq tassaavoq suliffeqarfiit nerisassaatiminnik qanoq ilillutik tuniniaalluarnerullutillu atorluaanerunerulersinnaanersut.

Peqataasussanut soorlu ilaapput, Royal Greenland, Inuili, Inuussutissanut siunnersuisoqatigiiffik, Inuussutissanut Qullersaqarfik kiisalu Upernaviarsummiit aamma peqataasoqassalluni.

Taakku tamarmik isumaqarput kalaalimerngit mamarluinnaqqissaarlutillu pitsaalluinnaqqissaartuusut, qanorli tuniniarneqarnerulluarnerunissaannut atorluarnerunissaannullu isumassarsiassanik amigaateqarnerarput.

Peqataatitaqartussanut ilaavoq, Arctic Green Food, pisiniarfinni nillataartitsivinni nerisassaqarnissaanik isumaginnittuusoq, neriuppoq, isumassarsioqatigiinneq sorpassuarnik pissarsiffigissagitsik. Nerisassat nillataartitsivimmiittut pitsaasuunissaanik nakkutiginnittoq, Tina Donnerstag, oqarpoq, inuppassuarnik pissanganartunik isumassarsiatsialannillu tunniussaqarsinnaasunik naapitsinissartik neriuutigigitsik.