Sooruna nunassinni takusassiassanik immiussineqassatillugu avataaneersut isumalluutaajuaannartut?
Taama aperaaq finlandimiu Jonas Touminen, nunatsinni maannakkorpiaq filmilioriartortoq.
-”Isumaqarpunga nammineq oqaluttuarsinnaasariaqartusi. Sooruna danskit, finlandimiut, svenskit noorgemiulluunniit piviusunik aallakaatitassiortuaannartut, kalaallit namminneq saperneramik”?
-”Ilissi nammineq inuunersi avataaneersunit ilisimaneruarsi. Soormi nammineq inuunissi oqaluttuarinera suliaralugu nunarsuarmioqatitsinnut takusassiarisitissinnaanngilisiuk – piginnaasorpassuaqareerpormi. Assiliissut atorlugu piviusunik takutitsisinnaaneq ajornanngilaq, aningaasalersornissaalu periarfissarsiortuartariaqarpoq” finlandimiu filmiliortartoq, Jonas Toumin, oqarpoq.