Kalaallit nammineq sulisinnaasut
Kalaallit sanasut siunissami illunik nappaanersioraangamik pizzallersinnaalissapput kalaaleqatimik pizzaliaannik.
Naalakkersuisut sulisoqarnermut inatsisiliaannut atatillugu SIK-ip siulittaasua Jess G. Berthelsen taamatut isikkulimmik neriuuteqarpoq.
Ippassaq Radioaviisimi oqaatigisatsitut suliffeqarfiit siunissami avataaneersumik sulisoqarunik kalaallimik ilinniartitsisalernissaannik piumasaqaateqarfigisalernissaannut atatillugu.
Jess G. Berthelsenip qularutiginngilaa aaqqissuussinerup nutaap kinguneqarluarnissaa:
Qulakkiissavarput ilaatigut ilaasortatta annertunerpaamik suliffeqarfinni ataasiakkaani atorneqalernissaat aammalu ilinniartoqarnissaq taamaalillugu aamma qulakkiissavarput massakkummi ilaatigut annertuumik ilinniartut sungiusarfissaaleqisarput.
Ukiup tullianut aningaasanut inatsisissami pikkorissartitsinerunissaq ilinniartitsinerunissarlu anguniarlugu aningaasassaqareerpoq.
