Kalaallit Mexicomut ajugaasinnaapput

Arnanut sungiusaasup ikiortaata Johannes Grothip, Mexicomiunut ajugaanissartik neriuutigilluarpaa.

- Arsarnerput ajunnginneruleriartorpoq, kiannera assut sungiukkiartorparput, aamma timersortarfissuarmi silaannarissaatit atugarinnginnamikkit, tamannalu holdit allat aamma malugisimavaat. Kisianni arsarnerput tigujartuaarparput ajunngitsumillu ingerlalluni, Kalaallit assammik arsarlutik unammisartuinut sungiusaasup tullia, Johannes Groth, taama oqaluttuarpoq. 

Arnat assammik arsarnerminni Mexicomiut unammineranni qaammat kingulleq naligiipput, kalaallillu isertitseriarnerni iluatsinngitsoortarsimasaat maannakkut aaqqissinnaagunikkit ajugaanissaminnut periarfissaqarluarput, taamatullu maannakkut ingerlalluarnertik ingerlatiinnarunikku VM-imut anngussinnaanissaat sungiusaasup ikiortaata neriuutigaa. 

Mia Rasmussen Danmarkimi assammik arsartartuusup misilittagaqarnerunera maluginiarsimavaat, taamatullu Rina Lorentzen målmandiusoq, unammisaqattaarnerni arsarluartoq allanit maluginiarluarneqarsimasoq, sungiusaasup tulliata, Johannes Grothip oqaatigaa.

Nunat assigiinngitsut assigiinngiiaartunik unammeriaasillit unamminerni aqqusaarsimavaat, taamaammat kalaallit unammisaat apeqqutaallutik holdiminni arsarluariasaartunik tupaallatsitsisoqartartoq, taamaammallu unammisassat apeqqutaallutik pikkoriffiit atorluarneqartartut, sungiusaasup ikiortaata, Johannes Grothip oqaluttuaraa.  

Arnat assammik arsarlutik aqagu Mexicomiunut Cubap nalunaaqutaa malillugu tallimanut maanilu nalunaaqutaq pingasunut unammissapput.