Kalaallit meerartai puallariartuinnavipput
Kalaallit meerartai puallariartuinnavipput – pingaartumik Nuummi najugallit.
Nunatsinni illoqarfiit pingaarnersaanni meeqqat tallimaagaangata ataaseq pualavallaartartoq, misissuinerup nutaap takutippaa, tamannalu ukiuni 20-ni kingullerni pingasoriaatinngorsimasoq paasineqarpoq.
Meeqqat 6 procentii 1980-kkut aallartinnerani oqimaappallaarput, ukiulli 20-t ingerlanerini tamanna 16 procentimut qaffassimavoq.
Meeqqat pualavallaartut procenti ataaseq inorlugu amerlassuseqartut 5 procent sinnerlugu ukiuni 20-ni amerlassuseqalerput.
- Nuummi meeqqat pualavaallaartut Danmarkimi meeqqatulli puallarsimasut, kisitsisit takutippaat, Københavnip Universitetiani ilisimatooq misissuisimasoq, Christina Schnohr, oqarpoq.
Pualavallaarnerup kingunerisaanik napparsimalertoqartarmat malinnaanissaq pingaaruteqarpoq.
- Inuit ataasiakkaat eqqarsartaatsimikkut inuttullu atugarisaat pualavallaarnerup kingunerisaanik innarlerneqartarput, Christina Schnohr oqarpoq.
Sukkortut amerlisinnaasut misissuinermi paasineqartunut ilaavoq.
Nuummi meeqqat pualavallaartut amerlisimagaluartut, nunani allani suli amerlanerit pualavallaarput – USA-mi pualavallaartut amerlasoorujussupput, Dansk Polarcenter allaatiginnippoq.