Kalaallit meerartaat ikiorniarlugit aningaasanik katersuiniartoqalerpoq
Kalaallit meerartaat ikiorniarlugit Peqatigiiffik Kalaallit Meerartaat Danmarkimi Glostrup Halimi arfininngorpat aningaasanik katersuiniartitsissaaq. Ilaqutariit meeqqanik paaqqutarinnittartut pillugit suliniut aningaasanik katersuiniartitsinissamut siunertaritinneqarpoq.
Allattoq Mads Lynge
januaarip 25-at 2010 05:39
- Suliniutip piviusunngortinneqarnissaa pingaaruteqarpoq. Meeraqarpormi ilaqutariinni ajornartorsiuteqarfiusuni inuusunik. Ilaqutariinnik
paaqqutarinnittartunik suliniummikpilersitsinikkut meeqqat taakku ikiorsinnaavagut, Peqatigiiffik Kalaallit Meerartaanni qullersaq, Tina Frausing Sermitsiaq.ag-mut oqarpoq.
Inuit tusaamasat aningaasanik katerseqataassapput, isiginnaartitsisartoq Mads Mikkelsen, quisaarisartorlu Jan Gintberg ilaatigut peqataassammata.
Aningaasanik katersiniarnermut atatillugu assammik arsarluni unamminermi taakku peqataassapput.
Aallakaatitassiaq "Hvem vil være millionær?" aqqutigalugu suliniut 500.000-it koruuninik tunissuteqarfigineqarpoq.
