Kalaallit meerartaannut atugassanik aningaasannanniassapput
Unnugu eqqugassat peqataasunut tutsinneqarnatik siunertanut pitsaasunut arlalinnut atorneqassapput.
TV-kkut aallakaatitsinermi aqutsisup, Hans Pilgaardip, unnugu tikilluaqqusassaa siulleq tassaavoq isiginnaartitsisartoq Nikolaj Coster-Waldau, kalaallip isiginnaartitsisartup, Nukaaka Coster-Waldauip uia.
Nikolaj Coster-Waldauip aallakaatitsivimmi issiaqatigissavaa sanilini, Jonas Christoffersen, Inuit Pisinnaatitaaffii pillugit Ilisimatusarfimmi pisortaq.
Taakku marluullutik katillugit 1 millioni koruuninik eqquiniassapput, aningaasallu eqqugaat - 1 millioni koruuniuppata ikinneruppataluunniit - Peqatigiiffimmut Kalaallit Meerartaannut tunniunneqarnissaat siumut aalajangerneqareerpoq.
Apeqqutit pikkunartorsuit 15-it ikinngutigiit unnugu nalunaaqutaq arfineq-pingasunut akiniarsarilerpatigik Peqatigiiffik Kalaallit Meerartaanneersut pissangassaqaat. Peqatigiiffiup kalaallit meerartaannut ikiuiniarneranut aningaasat iluaqutaassaqaat.