Kalaallit marluk parnaarussaasut

Kalaallit marluk isummaminnik siaruarteriniartartunut peqataasartut, silap pissusaata allanngoriartornera pillugu Københavnimi akerliussutsimik takutitsisunut peqataareerlutik parnaarussaapput.
decembarip 16-at 2009 06:53

Akerliussutsimik arfininngormat takutitsinersuaqareersorlu, inuit 100.000-it sinnillit Københavnip aqquserngi tiguaqqaleruttoraat, aappaa tigusaavoq, januaarillu ulluisa sisamaata tungaanut parnaarussaagallartoq, Sermitsiap nittartagaani tamanna atuarneqarsinnaavoq.

Aappaa sapaatiummat unnuakkut tigusarineqarpoq, ilimanarporlu politiit Christianiami pakasaallutik paasiniaammata tigusaasimassasoq.

"Sila pillugu parnaarussinermik" taaneqartumi qanoq sivisutigisumik parnaarussaassanersoq suli ilisimaneqanngilaq.

Københavnimi akerliussutsimik massakkorpiaq aamma takutitsinersuaqarpoq. Inuit 2.500-t missaaniittut Bella Centerip tungaanukarput, politiillu ungalusaatigoorlutik Bella Centerimut isaaniarsariniarput, ataatsimiittut oqalliseqatiginiarsarissallugit.