Kalaallit lottomi millionærinngortut

Danmarkimi aningaasarliornerup ilungersunarnerata nalaani, ukioq manna lottomi aammalu aningaasanoornerni allani, eqqukkat 767 million koruunit qallunaanit kalaallinillu arlaqanngitsunit 116-init eqqorneqarsimapput.
Allattoq Apollo Jeremiassen
decembarip 30-at 2011 10:57

Lottomi eqquikkajunnerupput Jyllandimiut tassani 43-ut eqquisimasut, Danske Spilip naatsorsuutaani takuneqarsinnaavoq.

Million koruunit sinneqartunik eqquisut allat tassaapput sjællandimiut 31-it, fynimiut arfineq pingasut Kalaallit Nunaanneersullu pingasut.

Lotto-rnermi aamma Onsdags Lotto-rnermi millioninnattut amerlanerpaasimallutik 93-upput, taakku saniatigut Jokerimik eqquisut qallunaat qulingiluaasimapput, taakkulu aamma minnerpaamik million koruunit angullugit eqquisimallutik.

Ukioq manna 2011-mi eqqukkat annersaraat aningaasat 29,2 million koruunit, taakkulu Jyllandip kujataani aappariinit novembarimi eqqorneqarsimallutik.

Maannamut aningaasat eqqorneqartut amerlanerpaat 38,5 million koruunit, Københavnimi aappariinnit 2008-mi eqqorneqarput.

Pingasunngorpat Onsdags Lottomi eqqorneqarsinnaapput 142 million koruunit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq