Kalaallit Kofoedskolemut pisartut amerliartortut
Kalaallit Københavnimi Kofoed Skolemut pisartut suli amerliartortuarsinnarput.
Ukiuni kingullerni kalaallit Kofoed Skolemiittartut amerlassusaat procentinngorlugu sivisuumik 4 procentimeeriarluni ukioq kingulleq marloriaataa sinnerlugu qaffariasaarpoq, 8,4 procentinngorluni.
Kofoed Skolemiittartut amerlanersaat danskiupput, 55 procentimiillutik, tullersortaasut kangianeersuullutik Afrikallu avannaaneersuullutik.
Amerlanerpaanut pingajuupput kalaallit.
Inuunermi ikiorserneqarnissaq tapersersorneqarnissarlu pisariaqartillugu inuit tre tusindit missaanniittut ukiut tamaasa Kofoed Skolemut saaffiginnittarput.
Taakkuunerusarput suliffissaaleqisut, tarnikkut ajornartorsiortut kiserliortulluunniit. Aamma amerlasuunit ajornartorsiutaasarpoq inissaaleqineq.