Kalaallit kilisaataat ikkarlittoq
Kilisaat nunatsinneersoq Polar Aassik, Polar Seafoodimit pigineqartoq, Fynimi Assensip avannaatungaani ikkarlippoq.
Allattoq Mads Fisker
Kilisaat Polar Aassik Assensip amutsivianukartilluni ukiortaami ualikkut ikkarlippoq, akunnerillu 18-ingajaat qaangiummata nammineq kaanngarsinnaasimalluni. Imarsiortut qullersaqarfiat taama nalunaaruteqarpoq.
Umiarsuup naalagaa politiinit killisiorneqqartussaasoq, aviisip Fyens Stiftstidendep allaaseraa.
Ikkarlittoqarsimaneranik nalunaarusiortussaanissaq matumani tunuliaqutaasoq oqaatigineqarpoq.
Polar Aassik maanna Assensip umiarsualivianiippoq, sapaatillu-akunneri pingasut tassaniissangatinneqarluni.