VIDEO Kalaallit Kenyamiullu assigiissuteqarput
Kenyamiu Peter Ghitii maajimi Nunatsinnut tikeqqaarami pinngortitarsuaq peqqarniippasissinnaasoq tupaallaatigigaa, takorluugaami allarluinnaasimagaluarpoq.
- Takusannut tupaallaqqalaarpunga, Peter Ghiiti oqarpoq.
Pinngortitarsuup peqqarniissinnaasup inui allaanerulluinnartut paasilertupallappaa. Kenyamiimmi 6300 kilometerisut ungasitsisigisumiikkaluarluni, sila allaalluinnaraluartoq, inuillu 45 millioniunatik 56.000-iinnaagaluartut, meeraanermini misigisartakkani misigaa.
- Aqqusinermi naapitat ilassiortuupput, Kenyami meeraaninni aamma tamanna misigisarnikuuara, Peter Ghitii oqarpoq.
Peter Ghitii Nunatsinnukannginnermini Danmarkimi Aalborg Universitetimi ilinniartuuvoq, tappavanilu najugaqarnermini maqaasisaqartarsimavoq.
- Aalajangersimasumik oqalliseqanngikkaluarluni oqaloqatigiissinnaaneq, illaqatigiissinnaanerlu ataasiaannarnanga, ullulli tamarluinnangajaasa misigisarakkit nuannaarutigeqaara, Peter Ghiiti oqarpoq.
Tamannalu peqquteqarpoq.
- Inuit ilumoorsaartuunngillat, imaappoq oqaloqatigiinnermi naapinnermiluunniit aalajangersimasumik pissuseqartariaqanngilaq, Peter Ghitii oqarpoq.
Kenyali Nunarpullu aamma allatigut assigiissuteqarput. Nunat taakkua marluk ineriartorfiupput, pissutillu Europamut sanilliullugit arriinnerusinnaasarput.
- Inuit nalunngilaat suna tamaat aqussinnaanagu, pinngortitaq eqqarsaatigisariaqarpoq, sila allanngorsinnaavoq, tamatumalu kingunerisaanik kinguaattoortoqarsinnaasarluni, Peter Ghitii oqarpoq.
Peter Ghitii Nunatsinni suliffeqarfimmi, Orbiconimi, atorfeqarpoq. Nunatsinnullu nuutsinnanni ukiut qulingiluat Danmarkimi najugaqarluni