Kalaallit Københavnimiittut AA-mut ataatsimiittaleqqissinnaapput

Københavnimi kalaallit imerajuttut katsorsartissimasut AA-miittut kalaallisut ataatsimiissinneqaqqittalersinnaalissapput. Katsorsartissimasut katsorsartikkusuttullu ataatsimiittarnerat unnummanna aallarnisaqqinneqarput.

Ataatsimiinnermi peqataasut kinaassutsiminnik isertuussillutik, nammineq misigisarsimasatik eqqarsaatersuutitillu oqaluttuarisarpaat, tamannalu AA-mi ataatsimiinnerit ilisarnaatigisarpaat.

Ataatsimiinnernik aallarneeqataasut ilaat Agga Petersen, oqarpoq assigiinnik isumalinnik naapitsinissamik pisariaqartitsisoqarmat, kalaallit kalaallisut AA-mi ataatsimiittarnerat aallartisaqqinneqartoq:

- Kulturitsinnik paasinnissinnaasut, inuillu akunnerminni pissusiinut tunngasunik paasinnissinnaasut naapeqatigiittarnissaat pingaaruteqarluinnarpoq, Agga Petersen oqarpoq, nangillunilu:

- Kalaallit danskisut oqaasillit ataatsimiittarnerni aamma peqataasinnaapput, aaqqissueqataasoq oqarpoq.

AA-mi ataatsimiittarnerit Københavnimi Kalaallit Illuanni Løvstrædemiittumi ingerlanneqartassapput.