Kalaallit Københavnimi peqqissartut illuat: Ineeqqat kisimiiffiusut qanigisallu nuuttariaqartut
Danskit oqartussaasuisa Danmarkimi amerlasuukkaarluni ataatsimoortoqannginnissaa sapaatip-akunnerata siuliani kaammattuutigaat.
Tamanna Københavnimi Kalaallit Peqqissartut Illuannut unammillernartoqartitsivoq, KNR-immi paasisai naapertorlugit ataasinngonrermi katillugit 80-it tassani najugaqarput. Taakkulu tassaallutik peqqissartut qanigisaasullu.
Peqqissartut illuanni tuniluuttoqaratarnissaata aarlerinarneranik annikillisaaniarneq pillugu peqqissartut tamarmik immikkut ineeraqalernissamik sapaatip-akunnerata siuliani neqeroorfigineqarput.
AAMMA ATUARUK Innersuussutit nutaat: Nunatsinnit nunatsinnullu angalasoqarnaveersaartoqarli
Tamatuma saniatigut peqqissartut illuanniittut qanigisaat killilerneqartut, nunatsinni peqqinnissaqarfiup nittartagaani Peqqik.gl-imi allassimavoq.
Peqqissaartunut qanigisaasut Københavnimi Kalaallit Peqqissartut Illuannut piffissami matumani unnueqqusaanngikkarput.
Tamannali peqqissartunut nakorsamit ingiaqateqarnissamut akuerineqarsimasunut atuutinngilaq.
Qanigisaasut peqqissartut illuanni unnuisartut, nakorsamit ingiaqataanissamut aalajangerneqarsimanngitsut Danmarkimiiginnarsinnaapput. Taamaakkaluartorli ajornanngippat angerlaqquneqarlutik.
Peqqissartut illuannut aamma pulaartoqaqqusaajunnaavillunilu pisiortorfigisanit eqqussuisoqaqqusaajunnaarpoq. Aamma ilaquttat ikinngutillu Kalaallit Peqqissartut Illuannut pulaarsinnaanngikkallarput.
Inunnik sullissisut tamarmik suli sulisut
Peqqissartut illuanni tuniluttooqqarnissaata annikitsuutinniarnera pissutigalugu nerisarfinni issiaviit affaat peerneqarput, ineqartullu amerlasuut KNR-ip paasisai naapertorlugit namminneq ineeqqaminniinnerullutik.
Kalaallit Peqqissartut Illuat Namminersorlutik Oqartussanit aqunneqarpoq, danskilli oqartussaasuisa innersuussutaat malittussaavaat.
AAMMA ATUARUK Nuummi inuit coronavirusip ernumatiginera pillugu: - Imminut paarineruvugut
Ministeriunerup, Mette Frederiksenip (S) tuniluuttoqarnissaanut unitsitsiniarneq pissutigalugu angerlarsimaffinnit sulisinnaasut tamarmik sapaatini-akunnerni marlunni tulliuttuni sulisarnissaat sapaatip-akunnerata siuliani kaammattuutigaa. Tamannali peqqinnissaqarfinni sulisunut ilaatigut atuutinngilaq.
Taamaammat Københavniim Kalaallit Peqqissartut Illuanni peqqinnissamik suliaqartut tamarmik suli suisarput. Taamaallaat sulisut tallimat allaffissornermik suliaqartut angerlarsimaffinnit sulisartut KNR-ip paasivaa.