Kalaallit Illuutaat eqqumiitsuliortunit pinnersarneqassaaq
Isaarissap pinnersarneqarnissaanut taakku siunnersuutigaat eqqumiitsuliartik taaguuteqassasoq "Arctic Mirage/Arktisk Luftkastel" - "Issittumi isumaannakkut pilersaarut"-mik immaqa kalaallisuunngortissinnaasarput, taanna marrarmik kipparissut qillertumik qalligaanngitsut atorlugit suliarineqassaaq.
Naliliisussat malillugit eqqumiitsuliaq takussutissaavoq kusanarluinnartoq, ullumikkut kalaallit eqqumiitsulioriaasiannik takutitsisoq.
- Naliliisussat nuannaarput qiimmassarneqarlutillu siunnersuummik taama kusanartigisumik pissarsigamik, nuannaarutigaallu kikkut ajugaasuussanersut erseqqilluarmat, taamaalilluni naliliisussat ataatsimut isumaqatigiillutik ajugaasussaq toqqarpaat, Kalaallit Illuutaanni pisortaq, Inger Bruun, Sermitsiap nittartagaani issuarneqarpoq.
Ajugaasut siunnersuutaat saqqummiunneqarumaarpoq, ajugaanermilu pissarsiassaat Kalaallit Illuutaanni marlunngorpat septembarip ulluisa 22-anni nalliuttorsiualaarnermi tunniunneqarumaarpoq.
