Nunat Avannarliit Atuakkanik atorniartarfinnut sapaatip- akunnerititaat ullumikkut aallartillugu nunarsuaq tamakkerlugu atuffassinerit annersaat pisussaavoq.
Nunani Avannarlerni Baltikumimilu sumiiffinni assigiinngitsuni 2.000-nit amerlanerusuni unnugu atuffassisoqassaaq, islandimiut oqaluttuaatitoqaasa ilaat, svenskillu ersinartulersaarusiaat nutaaq, "Lad den rette komme ind", John Ajvide Lindqvistimit allanneqarsimasoq, atuarneqassapput.
Atuakkanik atorniartarfinnut ukioq manna sapaatip-akunneritinneqartumi sammisaq taaguuteqarpoq "Det magiske Norden", nunanilu avannarlerni takorluuisinnaaneq, uulikullannartut- qiiaammisaarnartullu, aamma angakkuarnermut tunngasut, sammineqassapput.
Islandimiup atuakkiortup Andri Snær Magnasonip atuakkiaa "Historien om den blå planet", aamma qallunaap Lene Kaaberbølip atuakkiaa "Skammerens datter" meeqqanut ullaarli atuffassissutigineqarput.
Odensemi kalaallit illuat Danmarkimi kalaallit illuutaanni illuinilu kisiartaalluni peqataatitsivoq. Isiginnaartitsisartoq Naja Rosing Olsen meeqqanut anginernut mikinernullu atuffassissaaq.
Nunat Avannarliit Atuakkanik atorniartarfinnut sapaatip-akunnerititaani Kattuffik NORDEN aaqqissuisuuvoq.
Islandip Litauenillu akornanni nunat assigiinngitsut arfineq-pingasut siorna peqataatitaqarput.