Kalaallit illarnerusariaqarpunngooq
marsip 04-at 2005 06:14
Kalaallit illarnerulissapput. Taamak isumaqarpoq Suzanne Hansen ippassamiit illarnermik Nuummi pikkorissartitsisalersoq.
Illarnermik pikkkorissarneq inuunerinnerulernissamut aqqutissaasoq aamma oqaatigineqarpoq.
- Suna illaatiginerlugu nalullugu aallartittassaagut, naggataatigullu illarujussuarnermik tamanna kinguneqarsinnaavoq, Suzanne Hansen oqarpoq.
Inuungooq timaata immikkoortinneq ajorpaa illartuusaartoqarnersoq illavittoqarnersorluunniit, taamaammat taakua assigiitutut oqaatigineqarput.
Suzanne Hansen Nuumiippoq suliffimmi qaammatini pingasuni misiliisalluni, neriuutiginerarpaalu illarneq nunatsinni aamma soqutigineqarlualissasoq. Maannamuugallartoq sapaatip akunneranut ataasiarluni illartitsisarnissaminik pilersaaruteqarpoq.
