Kalaallit ilinniartut sisamat ilinniarnermut pissanganartumut toqqagaasut

Kalaallit ilinniartut sisamat, aningaasaateqarfimmit 'Ivalo & Minik Fonden'-imit 200.000 koruuninik tunineqarput. Legatinnattut ilisimasaqarnerulerniarlutik piginnaasaqarnerulerniarlutillu Australiami, Schweizimi Norgemilu paarlaasseqatigiinnikkut ilinniariassapput.

Allattoq Ivalu Nivi Johansen

novembarip 13-at 2025 13:59

Nutserisoq Medea Olsen

Kalaallit ilinniartut sisamat, nunani allani ilinniarnissaminnut, Ivalo og Minik Fondenimit ukiaanerani legatinnapput.

Tamanna aningaasaateqarfimmit tusagassiuutitigut nalunaarutigineqarpoq.

- Legatinik tunisatta sumiiffinni nutaani pikkorissarnissamut periarfissinneqarnertik qanoq tigulluartartigineraat takullugu nuannertuaannarpoq. Misilittaganissimallutik isiginnittaatsillu arlallit, namminerminnut inuiaqatitsinnullu nukittorsaataasut nassataralugit angerlartarput. Ilisimatuussutsimut, sapiissutsimut siunissamullu aningaasaliineruvoq, Ivalo og Minik fondenimi siulersuisut siulittaasuat, Minik Rosing oqarpoq.

Ukiami matumani legatimik tunineqartut ukuupput:

Ida Holm The University of Queensland i Brisbane Australiamiittumi marinebiologi-mik ilinniagaqarnissaminut legatimik tunineqartoq.
Malu Bech Århus-imi DMIX ilinniagaqarnerminut atatillugu, RMTI University of Melbourne Australiami semesterimik ataatsimik ilinniariarnissaminut legatimik tunineqartoq.
Naja-Theresia Høegh Københavns Universitet-imi inatsisilerinermut Master-inngorniarnerminut atatillugu, semesterimik ataatsimik Luzern Schweiz-ip Universitetianut ilinniariarnissaminut legatimik tunineqartoq.
Camilla Bagger BI Norwegian Business School-imi Master of Science i Leadership and Organisational Psychology-mik ilinniarnissaminut legatimik tunineqartoq.

Ivalo og Minik Fonden ilinniartunut kalaaliusunut, nunani allani ilinniagaqarnissaminnik pilersaaruteqartunut, legatinik ukiumut marloriarluni agguaassisarpoq.

- Tapiissutisiarisartakkagut qujamasuutigingaarpagut. Legatinnattunut ataasiakkaanut tapiissutaannaanngilaq inuiaqatigiilli siunissamut ineriartortinneqarnissaannut tapeeqataaneruvoq, Minik Rosing tusagassiuutinut nalunaarummi erseqqissaavoq kaammattuuteqarlunilu;

Kalaallit ilinniagaqartut, nunani allani ilinniagaqarnissaminnik soqutiginnittut, tamarmik legatinik agguaassisoqaqqinnissaanut qinnuteqassasut.

Legatinnannissamut qinnuteqarfissaq 15. februar 2026-mut killeqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.