Kalaallit ilinniartut aamma tapiiffigineqartariaqarput
Una ajornartorsiut massakkut piusoq, ilinniartunut artukkiisoq, isumaqarpunga piaartumik ukioq manna naalakkersuisut qallunaat nunaannilu naalakkersuisut isumaqatigiissuteqarfigisariaqaraat, ilinniartut qallunaat nunaanni atugaqalersimanerat aaqqiiffigineqartariaqalermat.
Kristian Jerimiassen atassut sinnerlugu ilinniartitaanermut ataatsimiititaliami ilaasortaaginnarani, siulittaasuusoq oqarpoq, aningaaasanut inatsisissamut imaluunniit ilassutitut aningaasaliissuteqarsinnaanermut isummani imak saqqummiullugu.
Taanna ataatsimiititaliami taamatut eqqartornikuunngilarput, kisiannili ajornartorsiut imak annertutigippat imaluunniit ajornartorsiut taanna aaqqinneqartariaqartoq, taavalu aaqqinneqanngitsoorpat taava aaqqinneqartariaqartoq isumaqarpunga.
Ilinniartoq kalaaleq Københavnimi najugaqartoq Roskildemilu ilinniartoq ullut tamaasa atuariartortassaguni, taava qaammammut 980 koruuninik akiliisariaqartassaaq, tamannalu pissaaq uffa atuaqataa danskeq qaammamut 600 koruuninik akiliiginnartassasoq.
