Kalaallit ilinniarluarsimasut Danmarkimi najugaqalersimasut ikinngillat

Kalaallit ilinniarluarsimasut Danmarkimi najugaqalersimasut ikinngillat, tamanna Atlantikup Avannaani Suleqatigiit Folketingimi suleqatigiissitaasa misissuinerata tamanna takutippaa.

41-nik ukiulik Dorthêraq Lennert niuernermi økonomitut Handelsskolen Sjælland Sydmiit naammasseqqammerpoq. Maannalu Nunatsinnut tuniniaasunut PANAS-ikkunni atorfinilluni - Danmarkimiiginnarnissilu aalajangiuteqqagallarpaa.

- Suliffinni ilinniarfigisanni atorfinitsitaareerama, sulinermik sungiusarfigisanni, aalalrtikkamali atorfinittutut naatsorsuunneqarama, tassa taanna atorfigiinnarallassavara.

Kalaallit Nunaannut utissanersoq aperineqarami, Dorthêraq Lennert ima akivoq:

-suu, ukiut tallimat7qulit qaangiuppata uternissara eqqarsaatigaara.

Kalaallit Nunaanniit ilinniagaqarnersiuteqarluni ilinniarmat nunatsinnut uternissani misigissuseqarfigineraa aperineqarami ima akivoq:

-Tassami taanna misigissuseqarfiginikuuvara, sulilumi misigissuseqarfigalugu, massakkulli atorfittaara Kalaallit Nunaannut atassuteqarmat uanga nuannariinnarpara, Kalaallit Nunaannut atassuteqartuassaanga, Dorthêraq Lennert naggasdiivoq.