Siumut sinnerlugu Folketingimut ilaasortaq, Lars-Emil Johansen, aamma Inuit Ataqatigiit sinnerlugit ilaasortaq, Sofia Rossen, Juliane Henningsenimut maanna taartaagallartoq, isumaqarput kalaallit Folketingimut ilaasortaatitaqarunnaassasut. Atuagagdliutini tamanna allaaserineqarpoq.
- Kalaallit Nunaata Folketingimi ilaasortaatiqarunnaarnissaa anguniarlugu sukkanerpaamik aaqqiisariaqarpugut, Lars-Emil Johansen Atuagagdliutinit issuarneqarpoq. Taanna isumaqarpoq, Namminersulernerup kingunerisariaqaraa kalaallit Folketingimi ilaasortaatitaqarnerat annikillisariaqartoq.
Sofia Rossenili paarlattuanik isumaqarpoq, tassa akisussaaffiit amerlanerit Nunatta tiguppagit aatsaat tamanna pissasoq.
Kalaallit Nunaannut tunngassuteqartunut Christiansborgimi ataatsimiititaliami ilaasortat qallunaat pingasut Atuagagdliutinit oqaloqatigineqarput. Taakku tamarmik partiinit borgerligiusuneerput, taakkulu kissaatigaat Kalaallit Nunaat Folketingimi ilaasortaatitaqaannassasoq.